קומה אלהים

קוּמָה אֱלֹהִים / גָּלִּית אֶלְרוֹאִי

אֱלֹהַי, אַל דֳּמִי לָךְ וְאַל תֶּחֱרַשׁ כְּמַעֲשֵׂה עֲמָלֵק, חָמָס עַל עַמְּךָ חָרַשׁ כִּי הִנֵּה אוֹיְבֶיךָ עַל עַמְּךָ הֶעֱרִימוּ סוֹד לִמְחוֹת אֶת זֶרַע יִשְׂרָאֵל מִן הַיְּסוֹד חָרְשׁוּ חֹרְשִׁים הֶאֱרִיכוּ לְמַעֲנִיתָם שָׂמְחוּ בְּצָרָתָם עִינוּם בְּסִבְלֹתָם 'כְּפַר עַזָּה', 'רֶעִים' וּ'בְּאֶרִי' עָמְדוּ בַּפֶּרֶץ כַּנָּהָר נִשְׁפַּךְ דָּמָם עַל גְּבוּל הָאָרֶץ. אֱלֹהַי, אַל דֳּמִי לָךְ וְאַל תִּשְׁקֹט אֵל רְאֶה בְּצָרַת עַמְּךָ יִשְׂרָאֵל בְּנוֹתֶיךָ חוּלׇלוּ וּבָנֶיךָ נֶעֶרְפוּ רֹאשׁ טַפֶּיךָ שֻׁסׇּעוּ לֹא נוֹתָר עוֹד אֱנוֹשׁ עַל 'עֵין הַשְּׁלוֹשָׁה' וְ'נַחַל עוֹז' בְּרוֹב חֵמָה הִפַּלְתָּ עֲטֶרֶת רֹאשָׁם הִטִּיתָ עֲלֵיהֶם אֵימָה תֵּבֵל וּמְלוֹאָהּ רָגְזָה, הַיָּם נִרְגָּשׁ וְגָעַשׁ הֶהָרִים עֲשָׁנוֹ, הָאָרֶץ רׇעָדָה וַתִּרְעַשׁ. אֱלֹהַי אַל דֳּמִי לָךְ, אַל תֵּפֶן אָחוֹר מִפְּנֵי זַעֲקַת עַמְּךָ יִשְׂרָאֵל מִן הַבּוֹר כִּי לְיַעֲקֹב בְּחִירְךָ הִיא שְׁעַת צָרָה נֶחֱרַב עַד הַיְּסוֹד 'נָתִיב הַעֲשָׂרָה' עוֹלָלֶיךָ וְטַפֶּיךָ הָיוּ כְּצֹאן טִבְחָה דַּם עֲבָדֶיךָ הַשָּׁפוּךְ כַּנְּהָרוֹת בְּעֵמֶק הַבָּכָא עַד מָתַי תַּסְתֵּר פָּנֶיךָ מֵעִמָּנוּ נִחָר גְּרוֹנֵנוּ מִקָּרָאֵינוּ, עֲנֵנוּ! אֱלֹהַי אַל דֳּמִי לָךְ, עוּרָה וְשׁוּב מֵחֲרוֹן אַפֶּךָ כְּגִבּוֹר מִתְרוֹנֵן מִיַּיִן, נְשָׂא עַמְּךָ עַל כַּפֶּךָ קוּמָה אֱלֹהִים שָׁפְטָה הָאָרֶץ וְעַמִּים יִירָאוּךָ שְׁפֹךְ חֲמָתְךָ עַל הַגּוֹיִם אֲשֶׁר לֹא יְדָעוּךָ הַקִּימָה עֵדוּת לְיִשְׂרָאֵל, צֹאן מַרְעִיתֵךָ זְכוֹר לָהֶם זְכוּת אָבוֹת וְקָיֵּם שְׁבוּעָתְךָ כִּי דְּמֵי אַחֵינוּ זוֹעֲקִים מִבֶּטֶן הָאֲדָמָה אֲשֶׁר הִנְחַלְתָּ לַאֲבוֹתֵינוּ וְלָנוּ לְעוֹלְמֵי עָלְמָא.